VII Época - 28

14 MARZO: XORNADA DE LOITA E SOLIDARIEDADE CON PALESTINA

Folga de 24 h e Manifestación en Pontevedra

O Sindicato Único de Traballadores ‘Solidaridad Obrera’ (SUTSO) de Pontevedra – CGT ten convocada o 14 de marzo folga de 24h en solidariedade con Palestina. A semana pasada, CGT cursara ós sindicatos de clase con presencia na cidade unha proposta para participar coordinados, tanto na convocatoria como na realización da folga e culminación na manifestación e mitin final fronte a subdelegación do goberno. A data de hoxe, non se ten recibido outra resposta que a do colectivo “Acción Palestina – Pontevedra’ (integrado por distintos colectivos e grupos do movemento social solidario con Palestina), conforme sí apoian a folga e participarán na manifestación.

            A continuación, reproducimos o texto da octavilla que se vai repartir nos centros de traballo convocados á folga.

A Confederación Xeral do Traballo (CGT) de Pontevedra fai un chamamento ás traballadoras/es asalariadas e empregados do Estado no ámbito do concello de Pontevedra, a realizar o día 14 de marzo unha folga de 24h en solidariedade con Palestina, para parar o xenocidio, os crimes de guerra e lesa humanidade que ven executando Israel, coa complicidade activa e financiación da súa actividade criminal polo goberno da Unión Europea e o estado español.

Ámbito da folga, limitado ó concello de Pontevedra:

Administración central do Estado,

Administración autonómica, Xunta de Galicia

Deputación de Pontevedra

Concello de Pontevedra

Centros educativos de Ensino Secundario e Formación Profesional

Centros universitarios

Oficinas e centros de Correos S.L.

Esiximos o estado e as súas administracións central, autonómica e locais nas que traballamos para que, no noso nome e o da sociedade pontevedresa, declaren e executen a ruptura inmediata con Israel en todos os ámbitos, diplomáticos, políticos, económicos ou comerciais e procedan a sancionar e embargar a todas as empresas, públicas ou privadas, que manteñan e amparen o comercio de armas con Israel ou colaboren na colonización ilegal de terras palestinas, particularmente nas zonas ocupadas militarmente.

Deja una respuesta

Tu dirección de correo electrónico no será publicada. Los campos obligatorios están marcados con *