GALA MUSICAL POLAS 13 DE LUGO POR PALESTINA

¡Contra a represión da solidariedade con Palestina!

 Este venres, 23 de xaneiro, no club Clavicémbalo de Lugo, tivo lugar a primeira gala musical solidaria coas “13 de Lugo”. Na gala participaron grupos e solistas en apoio ás persoas
manifestantes que protestaron durante o paso de La Vuelta a España por Monforte e O Corgo contra a participación do equipo Israel–Premier Tech.

No manifesto da calebración se recolle:

“O branqueamento do xenocidio a través do deporte resulta intolerable, e as protestas constitúen un exercicio lexítimo fronte á complicidade das institucións. Unhas protestas imprescindibles que contribuíron á posterior disolución do equipo israelí tras a retirada dos seus patrocinadores.

Durante estas mobilizacións na provincia de Lugo, trece persoas foron identificadas; algunhas delas resultaron detidas e atópanse xa inmersas en procesos xudiciais, ademais de enfrontarse a posibles sancións económicas que poderían acadar un total de 65.000 euros.

Desde Lugo por Palestina queremos recoñecer o compromiso histórico do mundo da arte coa loita pola liberación do pobo palestino. Nesta ocasión, queremos agradecer especialmente a participación de: Nebra, Filophóbicas, Conducto Coloquio, Laura LaMontagne, Manu KasoAparte, Punk’on Queixo, Circuncisión Total e LoraHacePam, coa presentación de Raquel López”

Fonte: Lugo por Palestina